Kapulisan gipasalamatan sa malinawon nga eleksyon

NAGHATOD sa pahalipay ngadto sa tanang katawhan ilabi na sa kapulisan ang City Director sa Cagayan de Oro Police Office (Cocpo) tungod na usab sa pagtinabangay nga mamahimong hapsay ug malinawon ang eleksyon sa siyudad sa Cagayan de Oro.

Gibutyag ni Police Colonel Nelson Aganon, City Director sa Cocpo nga sa adlaw mismo sa eleksyon samtang nagsuroy sa mga polling centers ilabi na sa pinakaulahing gibisitahan niini nga mao ang City Central Elementary School nibutyag kini nga walay mga natalang dagkong insidente ug gipasalamatan niini ang tanan lakip na ang mga kapulisan.

Usa sa gibantayan sa kapulisan sa adlaw sa eleksyon mao ang Barangay Nazareth gumikan sa nilabay nga eleksyon diin dunay natigayong gamay nga komusyon gikan sa nagkadaiya usab nga supporters.

“Very convincing naman na nag improved, kasi last Barangay election ako yung nag mediate dun pero as of now wala okay naman, siyempre we are working on history kung ano yung mga records sa mga places pinaghahandaan natin,” matud ni Aganon.

Giingong wala kini mga natalang dagkong insidente ilabi na diha sa mga dagkong polling centers sama sa Barangay Macasandig nga dunay mga anaa sa 20,000 ka mga botante, Barangay Nazareth, Barangay Gusa, Bugo ug uban pa.

Gidugang pa niini nga mag pull-out ang tanang mga kapulisan kung ugaling mag pull-out na ang tinugyanan sa Department of Education (DepEd)ug Commission on Elections (Comelec) ilabi na hangtod nga mabalik na ang tanang election paraphernalia diha sa City Treasurer’s Office.

“Mag pu-pullout sila once nag pull-out ang DepEd, nag pullout ang Comelec, e-sesecure pa rin natin hanggang counting hanggang ma transfer lahat ng paraphernalia sa City Treasurer’s office maibalik lahat doon,” dugang niini.

Nagpasalamat kini sa katawhan sa kooperasyon ug susama nga disiplinado na ang mga botante gani wala nay makita usab nga mga gapanghatag sa gawas sa mga presinto og mga sample ballot ug mga pagkaon nga dunay ngalan sa mga kandidato.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph