MALINAWON ang paghulagway sa kapulisan sa Northern Mindanao sa piliay niadtong Lunes, Mayo 13.
Kini ang gipahibalo ni Police Lieutenant Colonel Surki Serenas kinsa tigpamaba sa Police Regional Office – Northern Mindanao.
Daw epektibo ang ilang pagdeploy sa mga pulis ug daw na maximize ang pagpakatag niini sa nagkalain laing probinsya.
Aminado kini nga adunay mga isolated nga mga insidente atol sa election apan sa kinatibuk-an nagpabiling malinawon.
“Notwithstanding few isolated incidents, the May 13 midterm elections in Northern Mindanao is generally peaceful,” matud ni Serenas.
Sa pagpatuman sa liqour ban adunay 14 ka mga nakasupak ang nadakpan.
Sa 200 ka mga gireserba nga police personnel adunay walolamang ka mga personahe ang nagsilbing Board of Election Inspector didto sa lungsod sa Munai ug Tagoloan sa Lanao del Norte.
Sa pagpamalit sa boto kon vote buying adunay 16 ka individwal ang arestado ug gipangsakaan og kaso.
Duha niini nagikan sa Bukidnon; lima sa Lanao del Norte; duha sa Misamis Occidental; pito sa Iligan City nga sa kinatibuk-an moabot sa P1,125,418 ang kinatibuk-ang kantidad nga nasakmit.
Giimbestigahan pa usab ang gikareprt nga election-related violent incident sa Lanao samtang laing usa ka shooting incident sa Clarin Misamis Occidental.