MGA kandidato pagka mayor, bise mayor ug Sangguniang Panglungsod nga gikan sa partido PaDayon Pilipino ug karon kaalyado na Partido Demokratiko Pilipino–Lakas ng Bayan (PDP- Laban) maoy nanguna sa unang distrito sa lalawigan sa Misamis Oriental.
Apan ang mayor gikan sa National Unity Party (NUP) sab ang midominar sa ikaduhang distrito.
Sa unang distrito labina sa lungsod sa Balingasag naangkon ni Alexis Quina nga gikan sa partido Padayon Pilipino ang kadaogan ug gikan sa NUP ang bise mayor nga mao si Dilla Ongcachuy.
Sa lungsod sa Lagonglong nagpabilin nga madaugon ang incumbent mayor nga si Jap Puertas ubos sa partido sa Padayon Pilipino ug iyang bise mayor nga si Marita Ramonal.
Sa lungsod sa Salay nagpabiling mayor ang incumbent nga mao si Jun Capistrano gikan sa PDP Laban ug bise mayor niini mao si Sonny Tan.
Sa Binuangan naangkon ni Romy Gue Sr. gikan sa PDP-Laban ang kadaugan uban sa iyang bise mayor nga si Michelle Abao.
Sa lungsod sa Sugbongcogon naangkon sa incumbent mayor nga mao si Mildred Lagbas gikan sa PDP Laban ug bise mayor niini nga mao si Derrick Lagbas.
Sa Kinoguitan mananaog ang partido sa NUP nga mao si Gagang Lagbas ug bise-mayor nga mao si Tomas Zarate gikan sa partido PaDayon Pilipino.
Sa Balingoan naangkon ug balik sa incumbent mayor nga mao si Aaron Unabia gikan sa PDP Laban.
Sa lungsod sa Talisayan naangkon gihapon sa incumbent mayor nga mao si Rommel Maslog ang kadaogan samtang ang bise mayor nagikan na sa NUP nga mao si Joseph Epoc.
Sa Medina lungsod sa Medina ang incumbent mayor nga walay kontra nga mao si Dan Chan gikan sa PDP Laban maoy mananaog ug bise mayor niini nga mao si Kimboy Odchigue.
Ang siyudad sa Gingoog nabuhian sa pamilyang Guingona ang pagdominar sa siyudad sulod sa pila ka katuigan ug bag-ong mayor mao si Eric Canios ug Congressman Peter Unabia maoy mananaog.
Samtang sa lungsod sa Magsaysay si Rey Buhisan gikan sa PDP Laban maoy mananaog ug bise mayor nga mao si Charlie Buhisan.
Sa distrito dos gidominar sa National Unity Party kon hain ang lungsod sa Claveria gidominar gihapon sa imcumbent mayor nga mao si Miraluna Salvaleon gikan sa NUP ug bise mayor niini nga mao si Reynante Salvaleon.
Sa lungsod sa Jasan si Red Redentor maoy mananaog gikan sa partido PaDayon Pilipino ug gikan sa NUP nga si Reyes Fernando. Tungod sa kasikit sa ihap sa ilang mga boto anaa pa sa 97 porsiyento ang transmitted.
Sa lungsod sa Villanueva nagpabilin ang incumbent mayor nga si Jennie Uy ug bise-mayor niini nga mao si Edwin Dagasuhan.
Ang lungsod sa Tagoloan nga giingong 30 ka tuig nga gihuptan sa pamilyang Emano ang sa unang higayon nahulipan human ang partido gikan sa NUP nga mao si Gomer o Enan Sabio maoy mananaog samtang partido sa PaDayon Pilipino ang bise-mayor nga mao si Robinson Sabio.
Samtang sa lungsod sa Opol nagpabilin ang incumbent mayor nga mao si Max Seno ubos gihapon sa NUP ug bise-mayor niini nga mao si Louie Neri.
Sa siyudad sa El Salvador nagpabilin ang incumbent mayor nga si Edgar Lignes ubos sa NUP ug bise-mayor nga mao si Loloy Estrada gikan sa partido Padayon Pilipino.
Sa lungsod sa Alubijid nagpabilin pagka mayor si Emmanuel Jamis gikan sa NUP ug Alvin Labis.
Samtang sa lungsod sa Laguindingan gipangunahan ni incumbent mayor Diosdado Obsioma gikan sa NUP ug bise mayor niini nga si Roy Nacua.
Sa lungsod sa Initao nagpabilin ang incumbent nga mao si Gogoy Acain gikan partido PaDayon Pilipino kinsa dako kaayo og biya batok sa iyang kaatbang ug bise-mayor niini nga mao si Bembem Sayre.
Sa lungsod sa Libertad mananaog ang partido sa NUP nga mao si Leonardo Uy samtang gikan sa partido sa Padayon Pilipino si Jed Christian Sayre.
Sa lungsod sa Lugait nagpabilin ang incumbent mayor gikan sa partido PaDayon Pilipino nga mao si Bebot Perez ug bise mayor niini nga si Lilian Perez.
Sa lungsod sa Manticao midomina si Antonio Baculio gikan sa partido PaDayon Pilipon ug bise mayor nga si Stephen Tan.
Samtang sa lungsod sa Naawan nagpabilin ang incumbent mayor gikan sa partido PaDayon Piliipino nga mao si Dennis Roa ug bise mayor nga si Jaime Roa.
Ang mga mananaog tagsa-tagsa na nga gideklarar sa matag munisipyo apan nagpadayon pa ang canvassing sa Provincial Commission on Elections (Comelec) human anaa pa ngadto sa 85 porsiyento ngadto 98 porsiyento ang transmitted sa walo ka lungsod nga gilangkoban sa lungsod sa Balingasag, Balingoan, Claveria, El Salvador City, Gingoog City, Gitagum ug Jasaan.
Gipasabot ni Provincial Comelec Officer abogado Aleli Ramirez nga aduna pagkalangan sa pagtransmit human adunay problema sa ilang mga SD card nga laumang matul-id lang hangtod karong adlawa.