SECTIONS
Monday, September 16, 2019
SUPERBALITA CEBU

‘Kinilo nga shabu ang mabaligya’ sa dalaga: hepe

HINIGUGMA sa usa ka bigtime drug pusher sa Siyudad sa Sugbo nga naa na sa sulod sa Cebu City Jail nasikop sa buy bust operation sa mga sakop sa Labangon Police Station nga gipangulohan ni Police Major Keith Allen Andaya alas 5:20 sa kaadlawon sa Miyerkules, Mayo 15.

Giingong kinilo matag semana ang mabaligya sa dalagang suspek.

Lakip sa nasikop ang kauban niini nga naatlan usab sa mga pulis nga naghupot og usa ka dakong pakete sa gidudahang shabu.

Ang mga nasikop giila nga silang Claire Antipala Villahermosa, 19, taga sitio Cekalco, Barangay Labangon ug Joshua Enriquez Barba, 20, taga sitio Sto. Rosario, Barangay Labangon, Siyudad sa Sugbo.

Nakuha gikan kanila ang mga pinakete sa gidudahang shabu nga motimbang og 315 gramos nga mobalor ang tanan og P2,142,000.

Matod ni Andaya nga nakadawat silag impormasyon labot sa illegal nga negusyo sa dalaga.

Nilutaw ang ngalan ni Villahermosa sa mga nangadakpan sa ilang anti drug operation hinungdan nga ila kining gipanid-an.

Human masuta nga namaligya kini, ila dayon nga gilusad ang anti drug operation.

Dugang nakuha nga impormasyon ni Andaya nga nakauyab si Villahermosa og usa ka drug pusher nga nabilanggo.

Kini maoy nag-supply ni Villahermosa sa illegal nga drugas.

Ang maong binilanggo giingong sakop sa usa ka dakong drug group sa Siyudad sa Sugbo.

“Ang atong target kanang babaye gyud kay base sa atong tactical interrogation, kanang atong mga dakop mangutana tag kinsa ilang source. Mogawas iyang name.Then nangayo mig number mao to among gi transact,” matod ni Andaya.

Sa impormasyon nga ilang nakuha, maka baligyag kinilo si Villahermosa matag semana.

Ila na kining giila nga high value target.

Tungod sa kalapad sa drug group diin nahisakop ang dalaga, dako usab ang supply nga iyang mabaligya matag semana.

Aduna nay mga ngalan nga nakuha ang Labangon police station kon kinsa ang mga kustomer niini.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph