Kaalyado ni Emano naparot

SA MGA ninggawas nga resulta halos sa mga kaalyado ni Gobernador Yevgeny Vincente “Bambi” Emano naparot sa bag-ohay lang natapos nga eleksyon, adlawng Lunes, Mayo 13.

Nasayran nga Miyerkules sa buntag, Mayo 15, sa mga nigawas nga resulta sa eleksyon nagmalampuson si Emano sa iyang pagpapili sa pagkagobernador ug kini na ang kataposang termino isip gobernador sa probinsya sa Misamis Oriental.

Napildi ni Emano ang kaatbang nga si Julio Uy sa National Unity Party (NUP) diin nakakuha og boto nga 245,407 batok ni Uy nga anaa sa 194,608 diin anaa na sa 97.71 porsiyento.

Sa inisyal nga resulta makitang nihuyang ang mga kaalyado ni Emano diha sa politika sama na lamang sa mag-upat na ka dekada nga pamunoan sa mga Emano diha sa ikaduhang distrito sa munisipyo sa Tagoloan, Misamis Oriental.

Nasayran nga napildi ni Gomer Enan Sabio ang re-electionist nga si Mayor Hernando Heckert Jude Emano.

Samtang napildi usab ang runningmate ni Emano nga si President “Prexy” Elipe sa pagka bise mayor batok kay Jeremy Pelaez ug ang kaalyado sa pagka kongresman sa ikaduhang distrito nga si Benjo Benaldo batok kay Juliette Uy sa NUP.

Samtang sa siyudad sa Cagayan de Oro, nakaangkon usab sa kaparotan ang mga kaalyado niini ilabi na sa pagkabise mayor diin gihulipan sa iyang igsoon nga si Nadya Emano-Elipe ang amahan nga nipanaw na sa laing kalibotan sa wala pa ang eleksyon batok sa kasamtangang bise mayor nga si Rainier Joaquin “Kikang” Uy.

Nakaangkon usab sa kaparotan ang tanang miyembro sa Padayon Pilipino sa konseho sa siyudad gawas lamang sa tulo ka mga gisuportahan sa maong partido.

Tulo lamang ang nakasulod sa maong partido diha sa pangatungdanan sa siyudad nga mao sila si reelectionist Konsehal Lordan Suan, kinsa nag-inusara na karon sa konseho nga sakop sa PaDayon, human usab gidominar sa Partido Demokratiko Pilipino ang pwesto sa pagka konsehal sa siyudad ug laing kandidato nga gisuportahan sa partido ni Emano mao si Jocelyn “Bebot” Rodriguez sa Centrist Democratic Party lakip na si Rufus Rodriguez sa ikaduhang distrito sa siyudad sa Cagayan de Oro.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph