ANG New Orleans Pelicans maoy midaog sa NBA draft lottery kagahapon ug anaa kanila ang kahigayonan nga makakuha sa collegiate superstar Zion Williamson isip top pick karong Hunyo 20.
Nagsunod sa New Orleans ang Memphies Grizzlies, ikatulo ang New York Knicks samtang ikaupat usab ang Los Angeles Lakers.
Mitambong sa maong seremonyal kagahapon nga gipahigayon didto sa Chicago kagahapon si Williamson kinsa nag-average og 22.6 points ug 8.9 rebounds per game ubos sa Blue Devils, kinsa nataktak sa March Madness NCAA tournament sa Elite Eight round.
“It’s a lot to take in. I don’t know where I’m going to be,” matod niya. Iyang gipasumbingay nga dili pa gyud siya kasiguro kon ang Pelicans ba ang mokuha kaniya hangtod nga dili pa moabot ang drafting.
Apan iyang gipasabot nga bisan unsa nga team ang mokuha niya andam siya niini ug ang pagdaog maoy iyang prayoridad. (JBM)