MAS gipili sa mga tag-iya sa Rain or Shine Elasto Painters nga magpakahilom kabahin sa isyu nga nagtuyok kang Raymond Almazan, kinsa ilaha nang gibuhian pinaagi sa pag-trade niini ngadto sa Meralco Bolts alang sa duha ka umaabot nga 1st round picks.
Ang usa sa mga tag-iya sa team nga si Raymund Yu nakasugat og pangutana kon nganong ilahang gibuhian si Almazan nga unta aduna man kini saktong abilidad.
“It will be good for both parties to just move on,” mao ra kini ang tubag ni Yu.
Sa miaging tuig, si Yu nagduhaduha sa pagbuhi kang Almazan gumikan sa kamatuoran nga lisod ang pagpangita og big man nga adunay saktong abilidad.
Kini bisan dayag sa tanan dili nga maayo ang relasyon ni Almazan sa coach sa Rain or Shine nga si Caloy Garcia.
Sa miaging season, talagsa ra nakapakita og aksyon si Almazan.
“Just time to move on. We wish Raymund good luck with his new team,” matod mi Yu. (ESL)