SECTIONS
Tuesday, May 21, 2019
SUPERBALITA CEBU

Bag-ong nawong sa konseho

WA MAGDAHOM: Si kanhi PBA Cebuano hotshot Dondon Hontiveros niangkon nga wa siya magdahom nga maoy mamahimong no. 1 bag-ohay lang nahuman nga eleksyon. (Arni Aclao)

MGA bag-o, apan maoy kinaham sa mga tawo sa ilang pagboto.

Kini ang nahitabo nila ni Donaldo “Dondon” Hontiveros, number one councilor sa Cebu City south district ug Prisca Niña Mabatid, number 2 sa north district base sa resulta sa piniliay niadtong Mayo 13.

Si Hontiveros nakakuha og 160,984 ka botos gikan sa 34 ka mga barangay sa south district nga adunay dul-an 400,000 ka mga botante.

Sa kasaysayan sa south district, si Hontiveros adunay labing daghan og botos nga nakuha sa piniliay sa pagka-konsehal.

Samtang si Mabatid nakatigom og 113,908 ka botos gikan sa kapin 300,000 ka mga botante sa 46 ka mga barangay.

Si Mabatid maoy barangay kapitan sa Mabolo ug sama sa iyang pagka-konsehal, bag-o usab siya sa maong katungdanan.

Unsay buhaton?

Ang kanhi star sa Philippine Team ug Philippine Basketball Association mga si Hontiveros nagkanayon nga mobalik siya kauban si councilor-elect Phillip Zafra kinsa kapitan sab sa barangay Tisa ngadto sa mga barangay aron hatagan og solusyon ang ilang mga problema.

“Among first buhaton is mo-consult mi sa mga barangay ( residents). Maybe naa silay mga needs nga priority na for the past 3 years basin kami ang makatabang nila in any way that we can,” padayag ni Hontiveros.

Gisaysay sa kanhi star sa San Miguel Beermen ug Alaska Aces nga gikuha siya ni Mayor elect Edgar Labella ug Vice mayor elect Michael Rama aron buhion ang sports program sa Cebu City nga dugay nang nawala.

Kini sama sa inter-barangay basketball tournament, volleyball ug ubang duwa sa paugnat sa kusog.

Si Hontiveros nasayod nga makasulod siya sa magic 8 base sa turnout atol sa ilang mga pulongpulong apan wa siya magdahom nga siya ang mahimong number one councilor.

Dugang ni Hontiveros nga magtuon usab siya sa parliamentary rules and procedure sanglit kon adunay molarga gawas sa Sugbo o Pilipinas nilang Labella o Rama, siya ang mahimong acting vice mayor ug maoy mo-preside sa regular session.

Si Mabatid, sa iyang bahin, niingon nga iyang ipahimutang ang iyang health program nga gitawag og Paspas card diin libre ang pagpa-ospital, tambal ug kon simbako mamatay, adunay lungon nga ihatag ug daghan pang benepisyo.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!