SECTIONS
Tuesday, July 23, 2019
SUPERBALITA CEBU

Pagpusil patay drug related?

POSIBLENG may kalambigitan sa drugas ang motibo sa pagpamusil-patay sa usa ka 33-anyos nga lalake sa Sitio Kainsong, Barangay Basak dakbayan sa Lapu-Lapu niadtong Sabado, Mayo 11, sa alas 7:45 sa gabii, duha ka adlaw sa wala pa ang piniliay sa Mayo 13.

Mao kini ang gibutyag ni Police Colonel Limuel Obon ang director sa Lapu-Lapu City Police Office (LLPO) nunot sa mga taho nga posible kining may kalambigitan sa miaging piniliay.

Matod ni Obon nga ang biktimang nailhang si Marben Toling Bensi nga taga Brgy Babag giingong adunay ka transaksyon sa ginadiling drugas sa dapit nahitaboan sa wala pa kini pusila sa wala mailhing mamumuno.

Nasuta kini sa imbestigasyon sa kapulisan human makuha ang cellphone sa biktima ug didto dunay mga mensahe sa iyang lakaw sa dapit nahitaboan nga may kalabotan sa iyang pagbaligya unta ug ginadiling drugas.

Wala pay matumbok nga suspek ang kapulisan sa nipusil-patay sa biktima.

Nakapahibulong sa kapulisan kun nganong adunay lainlaing ID card nga nakuha sa biktima nga manalaghi ang pangalan ug giingong atoa usab manimuyo sa kaulohan.

Base sa maong mga ID Jason Luntoc ug Jessie Cabading ang mga pangalan sa posibleng mga tag-iya niini nga wala pa masusi sa kapulisan unsay kalambigitan niini ngadto sa biktima.

Padayon pa usab nga gisusi sa kapulisan ang background sa biktima.

“Siguro didto ni nag-abot and then ang mga residents nakadungog na lang ug tulo ka successive shots ug they saw a dead body of a person, so dili gyud siya election related but a foiled drug transcation,” matod ni Obon. (GCM)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph