SECTIONS
Tuesday, July 23, 2019
SUPERBALITA CEBU

Forum bahin sa road safety alang sa mga batan-on gilusad sa LTO 7

BATAN-ONG nagpangedaron og 17-29 anyos, mao kini ang sagad maaksidente sa kadalanan.

Tungod niini, ang kanang naa aning mga edara ang giuna sa Land Transportation Office (LTO) 7 nga i-edukar sa angay niini mahibaw-an aron malikayan ang aksidente sa kadalanan.

Gisugdan na sa LTO 7 ang ilahang “Road Safety Advocacy Forum” kagahapon, Mayo 15 sa ilahang buhatan sa N. Bacalso Ave., siyudad sa Sugbo.

Ang maong dungan nga kalihokan lukop nasod, programa kini sa Department of Transportation (DOTr).

Matod ni LTO 7 Regional Director Victor Caindec nga kickoff lang ang maong kalihokan kagahapon alang sa ilang uban pa nga umaabot nga mga kalihokan aron maminusan ang aksidente sa kadalanan.

Lakip sa mga mitambong sa maong forum kagahapon kining mga kabatan-onan sa dakbayan ug lalawigan sa Sugbo ug mga car dealers.

“This means that we are working closely with various stakeholders to ensure road safety and giingon nato ba nga awareness sa mga katawhan bahin sa paggamit sa atong kadalanan,” si Caindec nagkanayon.

Lakip sa ilang giimbita ang Highway Patrol Group, Cebu Road Heroes, Subcon sa Transport and Traffic Management sa Mega Cebu, ug ang Unified Motorcycle Club.

Mao kini sila ang nihatag og seminar o edukasyon sa mga hingtungdan kon unsa’y buhaton sa kadalanan aron luwas kinni sa paggamit og sakyanan sa kadalanan.

Pasabot ni Caindec nga dili lang sila enforcement apan lakip na usab ang driver’s education. Matod ni Macario Getaruelas, acting chief opetations division nga sagad sa mangadakpan karon kining magmotor nga wala helmet, lisensiya ug rehistro.

Awhag ni Caindec sa motorista nga motuman unta sa balaod sa kadalanan aron malikayan ang aksidente. (HBL)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph