Caindec nanghinaut sa maayong relasyon tali sa lokal nga opisyal

MALAUMON si Land Transportation Office (LTO) 7 Regional Director Victor Caindec nga participatory government usab ang ipatuman ni Cebu City Mayor-Elect Edgardo Labella sa paglingkod niini sa pwesto karong Hunyo 30, 2019.

Si Caindec kinsa usa sa ilado nga aduna’y panagbangi ni outgoing Mayor Tomas Osmeña nagkanayon nga bisan paman sa ilang labayay og pamahayag sa mayor wala kini niya gihulagway nga “personal.”

Dugang niini nga kon ang usa ka lider gidawat niini nga aduna’y problema, mamahimo sila nga makatabang sa LTO.

“If the leadership recognizes that there’s a problem, then we can work together to fix the problem and it does not matter who sits there,” si Caindec nagkanayon.

Dugang niini nga dili importante kon kinsa ang naglaingkod, ang importante nga gidawat sa usa ka lider nga aduna’y ingon niini nga problema ug andam kini modawat og tabang aron aduna kini’y kasulbaran.

Kahinumdoman nga nag-away sila si Caindec ug Osmeña dihang gisaway sa regional director ang mayor sa pagdala niini sa trapiko sa dapit diin gitukod ang Mambaling underpass.

Usa ning grabe nga problema sa trapik nga gustong sulbaron usab ni Caindec diin tukma kini sa plano usab sa umaabot nga mayor sa dakbayan sa Sugbo nga si Labella.

Pasabot ni Caindec nga kinahanglan nga magkahiusa ang mga lokal nga lider aron masulbad kini nga problema sa trapik ug uban pa. (HBL)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph