MIABOT og 80.37 porsyento ang voter turnout sa bag-o lang nahuman nga midterm elections sa 51 ka mga lungsod ug siyudad sa lalawigan sa Sugbo.
Mas ubos kini kon itandi sa 85.6 porsyento sa miaging presidential elections niadtong 2016.
Sa record sa Commission on Elections, gikan sa 2,158,895 ka rehistradong mga botante sa lalawigan (way labot ang highly urbanized cities Cebu ug Lapu-Lapu), 1,735,119 ang actual nga nibotar.
Sumala ni acting Cebu Provincial Election Supervisor Jerome Brillantes nga daghan ang nibotar tungod kay dako ang pagsalig sa mga botante nga malinawon ang pagpahigayon sa piniliay sa lalawigan. (SVD)