SECTIONS
Tuesday, May 21, 2019
SUPERBALITA CEBU

Duno pochero, adobo gibirahan human sa tinimbangay

USA. Filipino pride “Ruthless” Romero Duno (wala) ug Mexico’s “Zurdo El Mozo” Juan Antonio Rodriguez. (Tampo nga mga hulagway)

MITAMAK si Filipino boxing contender Romero “Ruthless” Duno nga adunay 134.6 ka libras, samtang si Mexican Antonio “Zurdo El Mozo” Rodriguez matalig 134.2 pounds atol sa weigh in Miyerkules sa buntag, Mayo 16, para sa 10-round World Boxing Organization North American Boxing Organization Lightweight title.

Ang Duno-Rodriguez showdown nga gidalit sa Oscar dela Hoya’s Golden Boy Promotions inabagan sa Sanman Promotions ipahigayon Huwebes (Biyernes sa buntag RP time) sa Fantasy Springs Resort & Casino sa Indio, California, USA.

Ang lumad nga taga dakbayan sa Cotabato nga si Duno gigutom human sa tinimbangay busa mibuylo paghigop sa sabaw sa bulalo ang sikat nga sud-an sa Southern Luzon, sa Cebu gitawag nga pochero samtang kansi sab ang tawag niini sa Iloilo.

Gawas sa bulalo, chicken adobo sab ang gisunod pagkaon sa kasamtangang WBA Asia Lightweight champion nga si Duno.

“Condition na kaayo siya (Duno) human nakakaon gani nisulti siya nako nga nagpanikad ug excited na kaayo siya para sa fight ugma” butyag ni former WBC King Rodel Generalao Mayol ang trainer ni Duno.

Si Rodriguez adunay (30-7, 26KO) nga baraha samtang si Duno naghupot sa (19-1, 15KO) nga fight record.

Sanglit pulos knockout artist ug pulos adunay saktong abilidad si Duno ug Rodriguez busa milupad sa US aron pagsaksi sa fight sila Big Boss sa Sanman nga si JC Manangquil kuyog si Sanman President ug Manager ni Duno nga si Dexter Tan.

“Murag Diesel ang kontra, slow starter si Rodriguez busa plano namo knockout in 5 rounds, among pakalitan kay kon magkadugay basin maglisod nami. Pero kon dili ma-KO aw boksingon nalang namo para daugon sa puntos,” panapos ni Mayol.

Samtang matod pa nga gawas sa pagbawos kang Rodriguez gumikan sa pag-KO niini kang Mandauehanon Mercito Gesta niadtong Pebrero, ipahinungod usab ni Duno kining awaya sa iyang duha ka buwan nga baby girl Marie Duno, anak nila sa iyang hinigugma nga si Marimar Gumilao. (Daniel Quindao Guden, US Correspondent)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!