SECTIONS
Tuesday, July 16, 2019
SUPERBALITA CAGAYAN DE ORO

Mananaug sa Cagayan de Oro naproklamar na

HINGPIT na nga naproklamar niadtong Miyerkules, Mayo 15, sa session hall sa city hall ang mga mananaog sa bag-o lang natapos nga eleksyon niadtong Lunes, Mayo 13, human kini nalangan sa pipila ka mga adlaw.

Gi-aprobahan ang motion nga giduso sa kampo sa Partido Demokratiko Pilipino (PDP-Laban) nga paubsan sa 90 porsyento aron nga maproklamar na tungod na usab kay ang nahabiling boto dili na makaapekto pa sa posisyon sa mga dakong boto.

Atol sa proklamasiyon niadtong alas 7 Miyerkules sa gabii, gibutyag ni abogado Ramil Acol, city election officer sa City Commission on Elections (Comelec), nga padayon sila hangtod moabot sa 100 ang pa-ihap apan human sa proklamasiyon dili na makaapekto sa resulta ang nahabiling mga wala maihap nga balota.

Samtang nagpasalamat si Moreno sa katawhan ug ang kampanya oportunidad kini aron nga makita ang tinuod nga kahimtang sa katawhan ug makita ang kakulangon sa matag barangay nga angayang mas matagaan pa og pagtagad.

Nagpasalamat usab kini tungod kay halos sa kapartido niini ang namahimong mananaog niadtong eleksyon.

“I hope that all the candidates will never forget what we have seen. I'm very pleased, I’m very pleased, I’m very happy, actually the fight was between Kaabag and Babag and I'm glad the people saw that,” matud ni Moreno.

Samtang nagpasalamat usab si Vice Mayor Rainier Joaquin “Kikang” Uy kinsa nibutyag nga gihatagan pa sa katawhan og laing higayon aron nga maka padayon sa iyang termino diha sa pagpanerbisyo sa katawhan.

“Kini it's a clear mandate nga gihatagan ta og bag-o nga termino so we will do our part and so the executive branch will do his job, I hope sa tao kailangan ta og kooperasiyon,” matud ni Uy.

Gihangyo niini ang kooperasiyon sa katawhan tungod kay mamahimong walay pulos ang mga gitukod nga ordinansa ug balaod lakip na pag-implementar sa mayor kung dili mokooperar ang lumulupyo sa dakbayan.

Ang mga kasamtangang mga opisyal sa siyudad ang nagpabilin ug nahatagan sa kahigayonan sa pagpanerbisyo sa lain pang termino.

Nasayran nga sa pinakaulahing resulta nga anaa sa 99 porsyento nakakuha sa boto si Moreno og 157,816, si Uy ana sa 141,591 samtang sa unang distrito sa pagka-kongresista nakakuha usab si Rolando Klarex Uy og boto nga 84,948, samtang sa ikaduhang distrito midaug usab si Rufus Rodriguez nga nakakuha og boto nga 81,487.

Sa pagkakonsehal sa unang distrito nag-una si Edna “Inday” Dahino gisundan ni Jay Roa Pascual, Roger Abaday, Zaldy Ocon, George Goking, Reuben Daba, Lordan Suan ug Romeo Calizo samtang sa ikaduhang distrito nag-una usab si Girlie Balaba, Malou Gaane, Ian Mark Nacaya, Suzette Daba, Bong Lao, Eric Salcedo, Bebot Rodriguez ug Edgar Cabanlas.

Halos sa mga midaug ubos sa PDP-Laban gawas lamang nila ni Suan, Bebot ug Rufus Rodriguez.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph