NALATAYAN og dakong sakyanan ang usa ka motorist, niadtong alas 5 Miyerkules sa hapon, Mayo 15, sa Mambato road, Agora, Lapasan, dakbayan sa Cagayan de Oro.
Naila ang biktima nga si Sammy Bermudes, residente sa Barangay Puntod sa susamang siyudad.
Sa nahipos nga impormasiyon, gikabutyag nga sakay sa motorsiklo si Bermudes ug ni-overtake, apan nasangit sa wing van nga maoy hinungdan sa pagkalagpot niini.
Giingong nalatayan kini sa kumong-kumong rason usab nga nakaangkon og grabeng samad sa iyang batiis.
Dali pa nga gidala sa Northern Mindanao Medical Center apan nakabsan kini sa iyahang kinabuhi sa paghidangat sa maong balay tambalanan.