SECTIONS
Thursday, June 27, 2019
SUPERBALITA CAGAYAN DE ORO

Misamis Oriental wala pay proklamasyon

SAMTANG naproklamar na ang mga nidaug sa dakbayan sa Cagayan de Oro, pabilin pa nga anaa sa 70 porsyento ang canvassing sa mga boto sa probinsiya sa Misamis Oriental, niadtong Huwebes sa buntag, Mayo 16.

Gibutyag ni abogado Aleli Ramirez, tsirman sa Provincial Board of Canvassers, nga hulatan na lang tungod gamay nalang ang kulang ug paningkamotan nga makaproklamar sa Mayo 16 o Mayo 17 sa sayong kabuntagon.

“Wala pa pud sa atong level, last time 70 porsyento pa gahulatan nato ang Jasaan kay kamulo na, ang motion to lower the threshold naa gyud siya sa rule nga 90 posyento, hulatan na lang kay gamay na lang bahala lage og 12:01 mag-proclaim ko kay Lunes pa biya mi diri,” matud ni Ramirez.

Susama nga rason sa pagkalangan sa proklamasiyon mao ang mga nakorap nga mga secured digital (SD) card diin kinahanglan pa nga ipa-reconfigure una pa makaproseso sa sinugdanan, diin mokabat sa usa ka oras ang matag sulod sa 80 ka mga balota.

Gipasabot na lang niadtong Huwebes sa buntag ang Jasaan, Balingasag, Balingoan ug siyudad sa El Salvador.

Nasayran nga sa pinakaulahing resulta anaa na sa 99.42 porsyento sa social media nakakuha si Bambi Emano og boto nga 248,847; sa vice governor nakakuha si Jigjag Pelaez og 211,833 nga boto.

Samtang sa Provincial Board Member sa unang distrito nag-una si Win Militante (102,093), Jerry Khu (86,618), Erik Khu (82,207), Bebing Dumadag (80,570), Enteng Pelaez (80,217) ug sa ikaduhang distrito nag-una si Saysay Emano (119,041), Nancy Madjos (102,937), Jesse Mugot (97,574), Boboy Sabal (94,927) ug Dexter Yasay (93,436).


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph