MAY ‘K’ ka ba nga mahimong Casino Filipino’s (CF) singing champ?
Kung may extraordinary talent ka sa pagkanta, then apil na niining oportunidad nga mapakita ang imong talento, sa Tanghalan ng Kampeon sa Casino Filipino 2019.
Ang nationwide competition bukas sa tanang amateur singers sila man Filipino o dual citizenship.
Mga buot mosalmot, angay 18 ngadto 30 anyos as of May 9, 2019 ug wala pa midaug sa bisan unsa nga national singing competition.
Mga amateur, apan talented individuals gikan sa Mindanao pwede sab moapil sa nationwide search pinaagi sa Davao auditions, Mayo 31 (Biyernes) 4 ngadto 9 p.m. sa CF Davao.
Ang Regional semi-finalists motigi sab atol sa semi-finals round, Hunyo 1 (Sabado) 8 p.m.
Samtang ang Grand Finals sa Hunyo 20, Huwebes, 9 p.m. sa CF Manila Bay.
Ang grand winner modawat og P300,000 cash prize samtang ang second ug third prize winners dunay P200,000 ug P100,000 nga premyo.
Luyo sa salapi duna sab silay mga tropeyo ug sertipiko.
Samtang ang non-winners hatagan matag usa og P10,000 consolation prizes ug sertipiko.
Kinsa mang interesado mahimong mokuha og official registration form gikan sa CF Davao nahimutang sa Grand Regal Hotel, Km. 7, Lanang, Davao City.
Aron maka-apil, magsubmitar og proof of citizenship ug edad, uban ang scanned o photocopied passport, kung wala ka niini, pwede ang photocopied Philippine Statistics Authority (PSA)-authenticated birth certificate.
Sa dugang detalye, mahimong mokontak sa Casino Filipino – Davao sa (082) 234 – 3997 to 99 local 134 o duaw sa www.casinofilipino.ph or www.pagcor.ph. (Uban ang PR)