SUPERBALITA CEBU

Talk to Papa Joe: Carbon copy

DEAR Papa Joe,

Ang akong suliran kabahin sa gugma ba kaha ni o unsa ba. Tawga lang ko sa ngalan nga Jaime, 28 anyos, may ka live in. Di ikapangutana kon love ba nako akong ka live in kay tanan gibuhat nako nga makaya nako para niya. Pero kining akong ka live in naay kapareha o kamay-ong may-ong nga babaye nga mao gyuy ideal girl nako. Kay kining akong ka live-in maorag wala lang, di gani showy sa pagbati niya nako. Pero kinig akong amiga showy kaayo siya sa iyang love ug care, pero di diri nako sa iyahang uyab. Di nako malikayan nga naglibug ko kay ang panan-aw nako niya mura ra siya sa akong asawa. Panan-aw sad nako sa akong asawa mura sad og siya.

Maura ba mi og nagkita na sa unang panahon nga siya gyud unta, pero gi represent lang sa akong asawa nga duolduol niya. Kon magkita mi ani niya, pinangga nako ni siya sa akong huna-huna. Ang nakaapan pa gyud kay permi nako ni siya madamguhan. Sa akong damgo lovers mi. Unsa may angay nakong buhaton? Palihug tambagi ko.

JAIME

Jaime,

Maorag tinuod na gamay imong istorya da. Sa akong panglangtaw kanang imong amiga mao gyud na ang perfect nga ideal girl nimo. Pero nauna lang og abot ang imong asawa nga susama sa iyang panagway nga maoy nakapaminyo nimo niya. Pero naa lay factor siguro, iyahang batasan nga nakita nimo sa imong amiga nga wa sa imong asawa.

Kon ako pa nimo, naana man kay obligasyon, diha na lang ka. Di man sad kalikayan ba nga naa sad tay mga admiration sa uban kay tawo man ta. Pero naay limitasyon, labi na minyo na ka.

PAPA JOE

(sa inyong tampo ipadangat lang sa papajoesuperb@gmail.com)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph