DEAR Papa Joe,

Maayong adlaw diha kanimo, Papa Joe. Tawga lang ko sa ngalan nga Ms. Confused, 21. Ania ko karon sa gawas nagtrabaho. Ang akoang problema, Papa Joe, kay duna koy uyab dinha nga taga atoa ra usab. Nagwalo na ka buwan ang amoang relasyon. Unya diri pod sa gawas, Papa Joe, aduna usab koy uyab nga puti nga dugaydugay na pod mi ani niya.

Ang akoang gikalibgan kay mahal man nako silang duha. Di man nako kaya nga mawala pod silang duha kay tungod pulos nako sila gimahal.Unya kon mopauli ko diha sa atoa. Basin unya mokuyog nako ang puti unya magkita mi sa akoang taga diha mao nga naglibog ko.

For updates from around the country, follow Sun.Star on Twitter

Manghinaot ko nga matambagan ko nimo sa akoang problema, Papa Joe, kon unsa ang angay nakong buhaton.Kay gusto ko mopauli diha sa atoa kon unsay angay nakong buhaton nga di na ko maglibog.

Daghan kaayong salamat, Papa Joe. More power and God bless you.

MS. CONFUSED

Ms.Confused,

Maayong adlaw kanimo ug daghang salamat sa imong tampo. Ang ako ra gyud nga masulti nimo nimo nga ikaw ra gyud ang naglibog sa imong kaugalingon. You have all the capability to think sa sakto o sayop apan padayon lang gihapon nimong gibuhat.

Dili ka makaingon nga gimahal nimo ang duha kay kon mahal nimo sila, di kaya nimo nga magluib.

Hain man kainila ang imong gimahal mao ra ang imong kaugalingon.

Nahug nga self-centered ka kaayo. Wala ka matagbaw sa usa lang ka hinigugma. Pero naa naman na mao nga ang angay nimo buhaton mao ang pagkamatinud-anon. Kinahanglan nga buhian nimo ang usa kanila. Di mahimo dunganon nimo paghungit ang duha ka mga kutsara sa imong baba.

Dunay mga butang nga gidesinyo para sa usa ka butang ra usab.

Dili lalim ang side sa Pinoy na nahabilin diri nga nagdahom. Di sad lalim sa puti nga nagdahom nga solo ka niya. Walay maayong linugdangan kana mao nga sa karon pa gani galabad na imong ulo.

You pray to God nga lamdagan niya imong hunahuna nga makapili ug

madawat unsay may linugdangan ani tanan. Ug ayaw na gyud pagbuhat sa ingon. Be contented, be fair, do not just grab the opportunity because maoy imong gusto.

Again pili-a ang mas bug-at. Sakit man pero mao nay giingon nga “the truth will set you free.” Salamat.

PAPA JOE

PS. Ako diay gipanawagan kadtong mopadala sa ilang tampo nga hinaot pa unta dili lang kaayo ninyo i-abbreviate ang mga word nga sama na man sa text messaging para dali ra nato mabasa ug masuwat. Daghang salamat kaninyo.