Pacquiao hinayhinay nang nagpakondisyon

HINAYHINAY na nga nangandam si Manny Pacquiao alang sa iyang umaabot nga away batok sa Amerikanhong undeated fighter nga si Keith Thurman karong Hulyo 20 didto sa Las Vegas.

Niadtong Miyerkules, si Pacquiao mipahigayon na sa iyang pre-conditioning training didto sa General Santos City.

Sukad sa iyang kadaugan batok ni Adrien Broner niadtong Enero 19, kini maoy unang higayon nga ang fighting senator mibalik sa gym og ensayo tungod sa iyang ka busy sa bulohaton isip senador.

Ang laing nakapa busy kaniya mao ang mga kalihukan kalabot sa nilabayng election.

Gikatakdang mobiyahi paingon sa New York ang Team Pacquiao karong Dominggo sa gabii alang sa commercial photo ug video shoot.

Ang sunodsunod nga mga press conference sugdan usab sa Martes sa hapon didto sa Big Apple ug dayon sa Los Angeles. (JBM)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph