DAW og sa naapektohan man tuod sa hataas nilang pagpahuway, apan nakakita ra gihapon ang Milwaukee Bucks og gamayng lungag nga maoy ilang gihimong agianan paingon ngadto sa kadaugan sa Game One sa Eastern Conference finals sa NBA kagahapon.
Ang Bucks nga perming naggukod sulod sa tulo kapin ka mga quarters mipahagsa og 10-0 nga rally sa fourth quarter aron kuliton ang 108-100 nga kadaugan batok sa Toronto Raptors.
Si Brook Lopez maoy nahimong mahait nga kaabag ni Giannis Antetokounmpo human kini mitali og 29 puntos, 13 niini sa fourth quarter alang sa Bucks, ang team nga adunay pinakamaayog record sa karon nga season.
“I think it speaks a little bit to the character of the group,” matod ni Bucks coach Mike Budenholzer. “They just stick with it. I think it’s become a little bit of a theme in the playoffs: I think eventually, hopefully, we feel like if we stick with what we’re doing good things will happen for us.”
Si Antetolounmpo nakatampo og 24 puntos nga may 14 ka rebounds samtang midugang og 11 puntos ug 11 ka rebounds si Khris Middleton.
Ang Raptors nga lab-as pa sa ilang pagbuntog sa Philadelphia Sixers sa Game 7 sa semifinals, nakakolekta og 31 puntos gikan kang Kawhi Leonard ug 30 kang Kyle Lowry. (JBM)