MANILA -- Gi-recall sa Pilipinas ang iyang ambassador ug mga consul sa Canada taliwa sa kapakyas Ottawa sa pagtuman sa gitakdang deadline sa pagkuhag balik sa daghang garbage nga giingon sa mga opisyal sa Pilipinas nga ilegal nga gidala dinhi katuigan na ang nakalabay.
Si Foreign Secretary Teodoro Locsin, Jr. ni-tweet nga ang Pilipinas “shall maintain a diminished diplomatic presence in Canada until its garbage is ship bound there.”
Ang kalit nga lakang maoy usa sa labing uwahi nga nakadaut sa relasyon sa Pilipinas tali sa Canada ubos ni Presidente Rodrigo Duterte.
Si Duterte nihulga sa miaging buwan sa pag-ship sa containers sa mga garbage balik sa Canada ug ilabay ang pipila niini sa embahada sa Canada sa Manila kon di kuhaon og balik sa mga opisyal ang ilang hugaw.
Gitakda sa mga opisyal ang deadline sa Canada sa Mayo 15.
Matod ni Locsin sa iyang tweet nga mga suwat alang sa recall sa mga ambassador ug consuls sa Pilipinas sa Canada gipadala na ug gipaabot silang mabalik sa Manila usa ka adlaw human nila madawat.“That recall shows that we are very serious in asking them to get back their garbage otherwise we’re gonna severe relations with them,” matod ni presidential spokesman Salvador Panelo sa usa ka regular news conference. (SunStar Philippines)