USA ka 25-anyos nga babaye gipusil sa duha ka wa mailhing mga lalake duol sa municipal gym sa Brgy. South Poblacion, lungsod sa San Fernando mga alas 8:15 sa gabii sa Mayo 15, MIyerkules.
Imbestigador sa San Fernando Police, Patrolman Johnrie Lacay, niila sa biktima nga si Jessiel Bonghanoy, 25.
Si Bonghanoy naa sa Intensive Care Unit sa usa ka pribadong tambalanan alang sa pagtambal human maigo walang bahin sa ulo.
Usa ka saksi, matod ni Lacay, nakakita sa gunman nga niduol ug nipusil kang Bonghanoy samtang ang kauban niini naghuwat sakay sa usa ka motorsiklo.
Matod sa laing saksi nga si Bonghanoy nagkaon sa usa ka barbecue stall, duol sa crime scene, kauban sa usa ka lalake nga nailhan lang sa angga nga “Tome” sa wa pa ang pagpamusil.
“Naa siya’y kuyog nga laki ato then ang katong iyang kauban. Kuyog niya karon sa hospital. Wala pa po’y nakaila sa lalaki didto,” nagkanayon si Lacay.
Human sa pagpusil,ang duha nipadung sa norte.
Mga awtoridad mokuha pag kopya sa CCTV footage gikan sa Provincial Disaster Risk Reduction Management Office (PDRRMO).
“Sa pagkakaron, unidentified pa sad ang motor kay karon muadto pa mi sa PDRRMO para mag CCTV viewing mi aron ma-identify namo unsa nga motor,” siya niingon. (WBS)