USA ka pre-employment seminar ang gihimo dili pa lang dugay sa Area Vocational Rehabilitation Center (AVRC) II sa pagpangandam ug pagseguro nga ang iyang 51 ka Persons with Disability (PWD) nga mograduwar sa pagbansay kompiyansa nga makakita og trabaho.
Kini ang gibansay sa Computer Technology; Commercial Cooking; Commercial Arts and Craft; Basic Cosmetology; Housekeeping Services; Dress and Apparel Technology ug Massage Therapy gihatagan og oryentasyon bahin sa naandan nga recruitment process ug pag-andam sa basic requirements alang sa pagkuha og tataw nga trabaho.
Ang representante gikan sa Department of Manpower Development and Placement (DMDP) sa Cebu City Ma. Concepcion Encabo ug Ms. Jean Marie Brual natuki bahin sa Employment Readiness.
Samtang, si Rosana Velado sa Department of Labor and Employment (DOLE) nagtuki sa Labor Laws and Regulations aron paggiya kanila sa maayong employment opportunities ug pagmintinar sa proper work etiquette kon makuha sa trabaho.
Ubang kalihokan atol sa seminar nagtabang sa trainees nga masayod sa insktong paghimo sa resume ug application letter sa dili manabaho.
Ang resource persons gikan sa DMDP ug DOLE nagtudlo sa trainees sa kaimportane sa self-organization, participation in policy ug decision making process, collective bargaining ug negotiation pinaagi sa pagtuki sa Labor Standards and Employees Rights and Obligations sa pagpahinumdom kanunay sa paghimo sa ilang tahas ug responsibilidad sunay sa standards.
Ang AVRC usa ka DSWD-run centers nga naghatag sa tawhanong kalamboan sa PWDs alang sa nagkalainlaing skills enhancement program. (PR)