SUPERBALITA CEBU

Di pa ting-uwan: Pagasa

SUGBO. Susama pa ni Engineer Jhomer Eclarino, weather specialist sa Pagasa-Mactan, nga posible molungtad pa hangtod karong weekend ug bisan sa Lunes ug Martes sunod semana ang mga pat-ak nga pag-ulan. (Hulagway kuha ni Fe Marie Dumaboc)

NAKASINATI og kasarangan ngadto sa makusog nga pag-ulan ang pipila ka parte sa probinsiya ug dakbayan sa Sugbo niadtong Biyernes sa kaadlawon, Mayo 17.

Sa tibuok adlaw, madag-umon apan kasagarang anaa gihapon ang kainit sa panahon.

Apan, sumala sa Philippine Atmospheric Geophysical and Astronomical (Pagasa) Mactan, wala pa mosulod ang panahon sa ting-uwan/

Si Engr. Jhomer Eclarino, weather specialist sa Pagasa Mactan, ang maong klase sa panahon nga dunay pat-akpat-ak sa ulan ug pagpanag-om posibleng molungtad pa hangtod ning weekend ngadto sa Lunes, Mayo 20 ug Martes, Mayo 21, sa sunod semana.

Apan gipasabot ni Eclarino nga wala pa gasugod ang ting-uwan.

Hinuon, anaa kita karon sa transition period gikan sa hanging silangan padulong na sa hanging habagat, diin kasagaran magsugod ang mga localized thunderstorm o pag-uwan.

“Wala tay laing weather disturbance nga gi-monitor sulod ug gawas sa nasud, but we have this ridge of high pressure, nga usa sa factor sa localized thunderstorm. Kay nagdala kini og kainit, kon grabe ang kainit, dali ang conviction, kon ang pag-evaporate ug condensation sa moisture nga maoy mahimo nga dag-om ug kon mahinog na, mao na nga moulan, Dili ta mokompyansa aa thunderstorm kay gawas sa kalit nga pag-ulan anaa niini ang pagpanudog ug pagpangilat,” pagpasabot ni Eclarino sa Superbalita

Dugang ni Eclarino nga ang pagsugod sa ting-uwan posible sa katapusan sa Mayo o sa tungatunga sa bulan sa Hunyo.

Ang pagbunok sa kusog nga ulan sa pipila ka parte sa syduad sa Sugbo, ug sa amihanang bahin sa probinsya sa Sugbo, Biyernes sa kaadlawon, nakatala lang ang Pagasa Mactan og 2.6 millimeters nga rainfall measurement.

O kapin sa 11,000 ka barrel sa tubig nga gibubo, hinungdan nga posible na gyud nga makabaha.

Apan bisan pa man nga anaay mga pat-ak pat-ak nga pag-ulan, grabe kainit gihapon ang masinati.

Gani anaa gihapon sa 26 ngadto sa 34 degree Celsius ang temperature, nga aduna kini heat index, kainit nga mabatyagan sa tawo nga 44 degrees Celsius kon pataas pa.

Mao kini hinungdan nga dili gihapon angay nga mokompyansa ug mamati kanunay sa taho sa dagan sa panahon gikan sa Pagasa.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph