SUPERBALITA DAVAO

Prisaa 2019 95% nga andam

PIPILA ka delegasyon sa 16 ka competing regions ang nagsugod na og pangabot sa Davao City sukad sa nakalabay nga adlaw subay sa pagpahigayon sa National Private Schools Athletic Association (Prisaa) dinhi.

Suma pa 95 porsiyento ng andam ang tanan.

"Partida pa tong five percent," sigun ni National Prisaa president Ma. Lita Montalban atol sa iSpeak media forum sa Davao City Hall conference room, Huwebes.

Dugang ni Montalban na makigtagbo sila sa National Prisaa Board aron hisgutan ang polisiya ug ordinansa nga gipatuman sa siyudad aron sab masultihan nila ang mga delegado.

Si Montalban, nga nag-guest na sab sa Davao Sportswriters Association (DSA) Forum sa The Annex sa SM City Davao, nga ang security ug seguridad lakip na billeting quarters ang giatiman nila og maayo, inubanan ang koordinasyon ug serye sa miting tali mga personalidad nga nag-atiman niini.

"Delegations have started coming in. They are so excited to be in Davao. Some nearby delegations even doubled the number because some parents of athletes are also joining them."

Sila Davao City Mayor Sara Duterte-Carpio, Philippine Sports Commission (PSC) chairman William "Butch" Ramirez, Commission on Higher Education (Ched)

chairman Dr. J. Prospero E. De Vera III ug Department of Education (Deped) national ug regional officials gilaumang motambong sa opening rites.

Si Presidente Rodrigo Duterte, nga gidapit sab ang di makaabot tungod sa iyang iskedyul.

Ang ubang duwa himuon dinhi, apan ang swimming ug beach volleyball, didto sa Tagum City.

"Tagum has the standard beach volleydrome and the swimming pool at DavNor Sports Complex is complete and well maintained," ni Montalban.

Samtang si National Prisaa secretary-general Laureano “Boy” Santos, nagdugang nga anaa sa 19 ka events ang giapil karon nga tuig, diin ang billiards (9ball and 8ball) gihimong demonstration sport.

"If billiards draws a lot of entries, we can make it a regular sport next year," ni Santos, dugang sa pagsulti nga 7,000 ka mga atleta, coaches ug opisyal uban ang ilang ginikanan gilaumang moabot.

Dugang niya nga ang Region 2 maoy host sa 2020 edition sa Games sa Tuguegarao.

"The formal turnover of the hosting will be held during the closing program," dugang niya.

Si Public Safety and Security Command Center deputy head Angel Sumagaysay nagkanayon nga anaa sa 4,368 security personnel ang i-deploy sa billeting ug playing venues.

"Same ang security measures that we implemented during the Davao Region Athletic Association (Davraa) and Palarong Pambansa," niya pa. MLSA/RGL


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph