DASDAS mga inahan sa NCCC Mall Buhangin sa Milan-Tigatto Road, dakbayan sa Davao aron maki-join sa duha ka adlaw nga Mommy Convention 2019.
Magbukas kini today, Mayo 18 ngadto 19.
Unsa ang lauman? Nagkadaiyang booths ang imong makita nga may displi sa lain-laing brands sa gamit ni babies ug mommies nga for sure inyong kaibgan.
Ang Mommy Convention 2019 himuon sa NCCC Mall Buhangin Activity Area nga salmutan sa nagkadaiyang baby products sama sa gatas, diapers, bathing essentials ug uban pa, with big discounts.
Si Tracy Reyes, NCCC Supermarket AVP for Merchandizing, nagyagyag atol sa Mommy Convention 2019 Media Conference nga ang discounts nga itanyag sa diapers anaa sa 15 percent to 30 percent, wa pay apil ang buy one-take one, two plus one, and three plus one promos, price off offers ug free gift items gikan sa inilang diaper brands.
“For baby wipes, mommies get to enjoy 10 percent to 30 percent off, while for baby bath essentials, mommies get as much as 40 percent off,” suma niya.
Dugang niya, nga ang growing up milk products dunay P50 ngadto P400 savings gikan sa regular prices.
Duna say buy one-get one offers sa milk products.
“For pregnant moms, they can save from 11 up to 20 percent if they buy Enfamama and Anmum and P40 off for ProMama,” ni Reyes.
Luyo sa mga gamit ni babies, anaa sab ang mommies’ skincare ug ubang produkto.
Makijoin sab sa aktibidad sila Ms Jennica Garcia-Uytingco and Ms Beauty Gonzales.
Si Uytingco maghisgut labot natural parenting ug mompreneurship samtang si Gonzales uban ang iyang bana ug anak mo-share labot motherhood journey.