HELLO po! Sa kusog, kalinaw ug uban pang grasya sa kinabuhi, pasalamatan nato ang Ginoo.
Pila ka adlaw liwas sa midterm election dinhi sa Pinas, daghan pa gihapon ang wala naka-move on.
Sa nasyonal o lokal man nga pagpili'g mga lider, uso gayud ang tema nga "kabag-ohan." Nagatuo ako nga dinala kini sa paglingkod ni Presidente Rodrigo "Digong" Duterte nga nagdala'g nindot, bongga ug makawerlang mga kabag-ohan nga gikalagot sa mga "dilawan" o "utok nga natayaan."
Dili tanan nindot kay PRRD pero layo pa sa Mars ang kalainan sa iyang performance kumpara sa mga nilabay'ng panggamhanan.
Bitaw, pahinumdom lang.. "DILI TANANG BAG-O MAAYO." Getch nyo??? Interesante apan dili segurado nga makaayo kini. Sama sa bag-ong tambal nga ginabaligya sa merkado, bisan pasado sa laboratoryo, nagkinahanglan kini'g padayong pagtuon busa magmaabtik ug masusihon kita, igsuon.
Klaruhon ta- dili ko supak sa bag-o, nagpahinumdom lang nga subayon nato ang ilang mahimong agi aron sa sunod piniliay (2022)- atong makumpara ang "karaan BATOK sa bag-ong liderato," migo!!!
Feeling nako mas mogasto'g dako ang adunay planong modagan dinhi sa among probinsiya sa Davao del Norte. Last year pa man god nagsugod ang "pagpamalitay'g boto" ESTE "pagpangampanya" sa nagkadaiyang pundok.
Dili na ka seguro malain sa 5 ka kilong bugas matag-molinya ug kuwarta basta naa sa lista. Kadaghanan- NAKADAWAT gayud bah!!! Kumusta na dinha ang mga "UGUMera," wala pa natuk-an???
Seriously, nagtuo ako nga tanang nakadaug sa bisan unsang posisyon- pagbuot ni Lord, igsuon. Ang tingog sa katawhan, ato karong napaminawan bisan kini libre o pinalit man. Dawaton ug respetuhon nato kini maka-move on tanan properly.
Sa pagkatinuod, sukad pa kaniadto, dili man makalung-ag ang kadaghanan kung dili mangunay og pagpanarbaho. Wala yatay politiko ang nagpasakay og libre sa government issued nga sakyanan nga ginaserbis paghatud sa ilang anak sa eskuwelahan.
Hinaut masinati nato ang mga plata porma nga gihanyag sa atoa niadtong oras sa pagpangampanya. Dili na puwede nga sayawan ra kita'g Budots, higala, unya maghayang-hayang na sila, di ba? See ya!!!