GIPASABOT ni Lapu-Lapu City Mayor Paz Radaza nga wala ray isyu alang kaniya ang wala niya pagdawat sa kamot ni Pajo Brgy Captain ug Mayor-elect Junard “Ahong” Chan dihang misuway kini og agak kaniya.
Kini samtang panaog na siya sa hagdanan sa session hall sa Lapu-Lapu City Hall dihang giproklamar silang duha ni Chan isip mga mananaog niadtong Martes, Mayo 14.
Si Chan maoy midaog isip mayor sa dakbayan human niya pildiha ang bana ni Radaza samtang si Paz nidaog usab isip kongresista sa lone district sa Lapu-Lapu. (GCM)