HINGPIT nang gipasaka sa korte gikan sa Lapu-Lapu City Prosecutor’s Office ang kasong murder batok kang Renato Llenes kinsa mao ang gitumbok nga akusado sa pagpatay sa dalagitang si Christine Lee Silawan niadtong Marso 10.
Mao kini ang gipahibawo ni Fiscal Ruso Zaragosa kagahapong adlawa Mayo 17.
Matod ni Zaragosa iya unta nga gihuwat ang mga kabanay ni Silawan partikular na ang inahan niining si Lourdes Pardillo nga moapas ug pirma sa affidavit sa kapulisan batok kang Llenes sa dili pa kini nila isang-at unta sa korte.
Human sa usa ka semana, wala mopatim-aw sa ilang buhatan ang inahan o amahan ni Christine Lee.
Wala magpadala og “feeler” nga magpahuwat o mopirma sa kaso busa mas gipili na lang sa piskaliya nga ipasang-at na sa korte ang kaso. (GCM)