SUPERBALITA CEBU

Si Buboy gihapon ang head trainer: Pacquiao

GIBUTYAG ni World Boxing Association (WBA) welterweight champion Manny Pacquiao nga ang iyang suod nga higalang si Buboy Fernandez mao gihapon ang iyang head trainer alang sa umaabot niyang away.

Ang Pambansang Kamao ng Pilipinas nakatakdang makigbatok kang American Keith Thurman karong Hulyo 20 sa Las Vegas, USA. Si Thurman maoy tag-iya sa ‘super world’ title nga beryson sa WBA welterweight division.

Gipasabot ni Pacquiao nga dili ra maapektuhan ang trabaho ni Fernandez isip bag-ong vice mayor sa Polangui, Albay.

“Siya (Fernandez). July pa naman mag-start ang trabaho niya,” matod ni Pacquiao.

Gumikan sa bag-ong responsibilidad ni Fernandez, gipasabot ni Pacquiao nga kinahanglan pa nilang ihan-ay ang ilang tagsatagsa ka eskedyul.

Nagkanayon ang fighting senator sa Pilipinas nga aduna unta’y gusto nga ipahigayon karong Septiyembre o Oktubre ang iyang away apan gipili niya ang Hulyo aron dili maapektuhan ang iyang obligasyon sa senado.

“Tinapat ko talaga ng July ‘yan dahil June walang work, walang session. Gusto nila laban ako ng September, October. Sabi ko hindi puwede dahil maaapektuhan ang trabaho ko. May commitment ako sa taumbayan na gagampanan ko ang trabaho ko,” pasabot sa 8-division world champion.

Nidugang si Pacquiao nga sugdan niya ang iyang training sa Manila aron makadalikyat ra dayon siya sa iyang gimbuhaton sa senado. (ESL)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph