Sundalong nagsimba gilikida

MAGUINDANAO PROVINCE -- Grupo sa liquidation squad sa Bangsamoro Islamic Freedom Fighters (BIFF) ang niihaw sa usa ka sundalo alas 12:45 sa udto, Biyernes, Mayo 17.

Giila ang biktima nga si Staff Sargeant (SSgt) Miranda Lumbatan, 45, minyo, sakop sa 38th Infantry Battalion, Philippine Army ug nagpuyo sa Barangay Tanuel, Datu Odin Sinsuat sa probinsiya.

Gibutyag ni Police Major Sabri Lakibul nga nahitabo ang pagpatay samtang naglakaw ang biktima pabalik sa detachment niini sa Sitio Dayuan, Barangay Tanuel gikan nagsambayan (simba) sa mosque.

Sumala pa nga giatngan ang sundalo og duha ka wala mailhing lalaki ug gipusil.

Gideklarang patay ang biktima paghidangat sa Notre Dame Hospital sa Cotabato City human makaangkon og samad sa abaga, dughan. (Edgar E. Fuerzas)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph