DAVAO DEL SUR -- Pulos mga re-electionist ang mga nidaug nga mayores sa siyam ka mga lungsod sa probinsiya.
Sa Bansalan, subling napili si Mayor Quilin Sarte apan si Konsehal Eugene Clata nga bise mayor niini, independente (IND).
Sa Magsaysay, giproklama dayon sila re-electionist Mayor Arthur Davin ug Vice Mayor Joy Ferolino-Mejia nga pulos way kaatbang ug mga nagpailawom sa partidong Hugpong ng Pagbabago (HNP).
Sa Malalag, subling napili sab si Mayor Peter Valentin ug running mate nga si Bise Mayor Ervin Emphasis, pulos independente.
Sa Kiblawan, subli sab nga napili si Mayor Jason Rama (HNP); ug running mate nga si Joel Calma.
Balik og lingkod sab isip alkalde si Mayor Vincent Fernandez ug Bise Mayor Alfredo Panerio sa lungsod sa Matanao nga pulos IND.
Sa Sulop, napiling mayor si bise mayor ug abogado Jose Jimmy Sagarino (HNP) nga mihulip sa iyang inahan nga si Mayor Maria Sagarino, bise mayor nga si Board Member Willie Villegas (IND).
Sa Padada, subling napili sab si Mayor Pedro Caminero (HNP) ug Bise Mayor Francisco Guerrero Jr. sa Nacionalista Party (NP).
Sa Hagonoy, milampos si Bise Mayor Franco Calida (IND) nga mailog ang pagka-mayor gikan kang incumbent mayor Conrado Laza, kinsa pamuno sa League of Mayors of the Philippines (LMP) sa probinsiya.
Daug sab nga bise mayor ang running mate ni Calida nga si Vincent Alexes Paden.
Sa Sta. Cruz, napiling mayor si Jaime Lao Jr., ug bise mayor Jerome Undalok (NP).
Bag-o na sab ang mayor sa Digos human napili si Josef Cagas (IND), pag-umangkon ni Davao del Sur Governor Douglas Cagas ug running mate nga si Konsehal Johari Baña, bana sa pag-umangkon sa gobernador. (Orlando B. Dinoy)