SUPERBALITA CEBU

Nalzaro: Presidential endorsement

Saksi

SA PAGSUWAT nato ning lindog, wa pay klaro kon makasulod ba sa magic 12 si Senador Bam Aquino nga sakop sa Otso Deretso sa Liberal Party. Anaa pa siya sa ika-14 nga puwesto, nagsunod nila ni Senador Senador Nancy Binay ug Bong Revilla. Matod pa ni Senador Francis Pangilinan, campaign manager sa Liberal Party, nga posibleng makasulod si Bam Aquino. Atong huwaton ang final result sa senatorial election.

Bisan kon makasulod si Aquino, nganong nangharus man ang mga kandidato sa PDP Laban o administrasyon ug usa ra man sa Otso Deretso? Ngilngig og qualifications ang ubang mga kandidato sa Otso Deretso itandi sa mga kandidato sa administrasyon. Matod sa usa ka political analyst ang rason nganong nagharus ang mga kandidato sa administrasyon, kini gumikan sa ‘Duterte magic’.

Taas pa kaayo ang popularity ug trust ratings sa Presidente bisan aning negatibong isyo nga gibato batok kaniya sama sa extra judicial killings, pagpangataki sa simbahan ug pagkabastos. Daghan gihapon ang mituo kaniya hinungdan nga namutar sa mga kandidato sa administrasyon.

Ang Presidential endorsement misaler usab sa ubang nga local candidates hinungdan nga midaog. Apan wala usab mosaler sa ubang mga kandidatong lokal. Dinhi sa Sugbo, si Vice Mayor Edgardo Labella maoy gituboy ug gi-endorso sa Presidente. Di lang yanong gi-isa ang kamot kon dili personal nga gikampaniya.Ug gisaway pa ang kontra. Resulta: daug.

Si Kong. Jonas Cortes midaug batok kang incumbent Mandaue City Mayor Luigi Quisumbing. Si Junard ‘Ajong’ Chan sa Lapu-Lapu City midaug batok sa lig-ong mga Radaza. Si kanhi Liloan Mayor Duke Frasco midaug batok lang Kong. Red Durano sa pagka-kongresista sa quinto distrito. Si Gov. Gwen Garcia midaug batok kang Agnes Magpale.

Apan ang presidential endorsement wa magsilbi sa Bohol gumikan kay si kanhi Cabinet Secretary Leoncio ‘Jun’ Evasco nga maoy gisuportahan ni Digong napilde man batok ni Kong. Arthur Yap.Didto sab sa Davao, pilde ang mga kandidato nga gipang-endorse sa mga Duterte. Mao ni ang gi-ingon nga ‘dynamics in politics’. Makalibog.(bobbygnalzaro@gmail.com)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph