SUPERBALITA CEBU

PBA Commissioner’s Cup sugdan karon

Mga duwa karon

4:30 pm- Blackwater batok Meralco

6:45 pm- Alaska batok Columbian Dyip

Masubhan karong adlawa si Bobby Ray Parks Jr. sa pagsugod sa Philippine Basketball Association (PBA) Commissioner’s Cup conference sa Mall of Asia Arena sa Pasay City.

Si Parks, kinsa maoy No.2 overall pick sa PBA draft niadtong Disyembre, gilaumang makaugbok og usa ka lig-ong haligi alang sa Blackwater Elite sa pagpakigbatok niini sa Meralco Bolts sa premirong duwa sugod sa alas 4:30 sa hapon.

Wala niduwa si Parks sa miaging Philippine Cup gumikan kay gitiwas una niini ang iyang obligasyon sa Alab Pilipinas sa Asean Basketball League.

Masubhan sab si Aris Dumaunahan isip bag-ong coach sa Blackwater human siya gihulip kang Bong Ramos, kinsa mi-resign niadtong Abril human igo lang nakadaog og duha sulod sa 11 ka mga duwa ang Elite sa Philippine Cup.

Giatangan usab unta ang unang pagduwa ni Raymond Almazan isip sakop sa Meralco apan dili kini mahitabo ning kombatiha gumikan kay nagpaalim pa kini sa iyang angol.

“Almazan will not play because of his old calf injury. He will return to action in two to three weeks,” pasabot ni Meralco coach Norman Black.

Si Almazan, kinsa kanhi sakop sa national team, gibuhian sa Rain or Shine Elasto Masters baylo sa duha ka 1st round picks sa Meralco sa umaabot nga katuigan.

Hinuon ning maong komperensya, ang imports maoy gilaumang mobida.

Ang Elite mosandig sa gidak-on sa ilang higanteng import nga si Alex Stephanson samtang ang Bolts mosalig kang Gani Lawal, kinsa giingong impresibo og gipakita sa tune-up games.

Sa main game, magsangka ang Alaska Aces ug Columbian Dyip nga nahilakip sa teams nga nasiplatan nga adunay dekalidad nga imports.

Ang gikuhang import sa Aces mao si Chris Daniels samtang ang gibira sa Columbian Dyip mao si Kyle Barone. (ESL)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph