SUPERBALITA CEBU

Daclan: "Between Maybes" vs. "Kwaresma"

NAGTIGI karong semanaha ang pelikulang “Between Maybes” ni Julia Barretto ug Gerald Anderson ug ang “Kwaresma” ni Sharon Cuneta. Kinsa kaha sa duha ang mag hit sa takilya? Ang kang direk Jason Paul Laxamana o kang Erik Matti?

Sa akong obserbasyon lang sa trailer medyo simple lang ang istorya sa “Between Maybes” unya medyo komplikado ug makahadlok ang “Kwaresma.” Pero kon kinsay bet sa katawhan, syempre maoy mag-una sa takilya.

Close ang mga bida nga silang Sharon Cuneta ug Julia Baretto nga nagkauban niadto sa usa ka pelikula kauban si Robin Padilla ug Joshua Garcia.

Mao siguro nga sa matag-promote ni Sharon sa iyang pelikula, dili gyud mahimong dili sab niya mahisgutan ang movie sa iyang anak-anak nga si Julia.

Daghang Sharonians ang excited ug milinyal sa “Kwaresma” kay una man kining higayon nga makita nila si Sharon sa horror movie.

Pero sigurado usab nga daghang mga millennial ang suportado si Julia sa iyang pelikula. Pero lahi lang ang kalabtim sa dalaga.

Bilib sab ko aning Julia kay sa mga interbyu wala kini lipod-lipod nga motubag sa mga pangutana.

Nahimong viral ug daghan ang naka-relate sa dihang nahisgutan niya ang iyang pagka-flat chested sa interbyu sa Tonight With Boy Abunda. Vocal sad kini sa pagtubag nga gusto niyang makapartner silang James Reid ug Daniel Padilla ug nga dili niya feel si Elmo Magalona.

Sa laing bahin, si Barbie Imperial ang leading lady ni Jerome Ponce sa pelikulang “Finding You” sa Regal Entertainment nga gibituonan sad ni Jane Oineza.

Istorya kini sa managsood nga higala nga sa bisan unsang panahon ug mga pagsuway anaa gyud sa kiliran pirme ang usag-usa.

Pero unsaon na lang kaha kon ang imong best friend ra diay ang dugay na kaayo nimong gipangita? Unsa kahay angay buhaton? ay’g saba!

Apan mabalik ta sa duha ka movie nga showing pa karon sa inyong paboritong sinehan: sa “Between Maybes” ug “Kwaresma” kinsa gyud kaha ang mag-box office si Sharon o Julia? Ay’g saba!


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph