SECTIONS
Wednesday, August 21, 2019
SUPERBALITA CEBU

Barangay kapitan gihandom

DILI lang siya kapitan sa Lawaan 3, Siyudad sa Talisay, usa usab siya ka mapinanggaaong amahan, igsuon ug higala halos sa tanan sa barangay.

Bisan sa iyang kamatayon ang tinuoray nga pagserbisyo gihapon sa katawhan ang iyang gihuna-huna. Kini ang paghulagway kang kapitan Jimmy Bartilic sa pipila ka mga lumolupyo sa barangay.

Usa lang si Evelinda Delagente, 39, kinsa niangkon nga kon wa pa ang tabang ni Kap Jimmy, maglisud siya sa pagbuhi sa pito niya ka mga anak.

Job order sa Talisay City hall si Delagenteug nitrabaho usab isip tiglimpyo, tigluto ug dali nga masugo ni kap Jimmy sa mga ginagmay nga butang.

Si Delagente di makatuo sa bangis nga kamatayon sa kapitan, kinsa apil nga girakrakan sa retired US Marine niadtong Huwebes sa buntag.

“Wala man koy grado, pero wala gyud na gilantaw ni, Kap. Motubag-tubag man gani ko usahay ana niya, pero dili na masuko si Kap. Kaayo gyud ni Kap. Dali ra gyud na siya maduol ni bisan kinsa dinhi sa barangay,” nagdanguyngoy nga pagsaysay ni Delagente.

Si Delagente usa sa nitabang ni kap Jimmy sa pagpanangtang sa mga campaign posters niadtong Huwebes sa buntag, Mayo 16 sa wa pa ang hitabo. Niabot sila Jed Ybañez ug step father niini nga si Dean Torrefranca aron hiloton ang ilang kasungian.

Nagsunod unta pud si Delagente nila sa pag-adto sa panimalay sa mga Ybañez sa dihang kalit nalang buto-buto na ang nadunggan hinungdan nga usa siya sa nikamang palayo sa lugar.

Si Bartilic ang giingong klase sa lider, nga ang kaayohan sa ginsakpan ang unang hunahunaon.

Moboluntaryo kini nga mahimong driver alang sa mga konstituwente nga manghuwam sa sakyanan sa gobyerno alang sa outing sa usa ka organisasyon. (FMD)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph