SUPERBALITA CEBU

Performance sa mga kawani ipa-review ni Gwen

KAPIN sa 4,000 ka mga empleyado ug department heads ang ipaubos sa performance review ni incoming governor Gwen Garcia sa higayon nga moasumir na kini sa pwesto.

Sigon ni Garcia magpahimo siya og espesyal nga body sa transition team nga iyang umolon aron maoy mo-review sa performance sa tanan mga empleyado ug department heads sa kagamhanan sa lalawigan sa Sugbo sa nangaging unom ka tuig.

“Of course, di sila mahadlok. They will go through due process. That’s how we operate, di mi magdalidali. But, if in the end they are found to be guilty of whatever accussations there may be or charges there may be, then they’ll have to ship out,” pamulong sa outgoing komgresista sa ikatulong distrito dihang nahinabi sa mga tigbalita human sa iyang proklamasyon niadtong Huwebes, Mayo 16.

May pasidaan si Garcia sa mga empleyado nga nagtraydor niya ug nagpabilin nga loyal niya taliwa sa nahitabo niya human siya nasuspenso niadtong 2012 ug nahuman ang termino pagka gobernador niadtong Hunyo 2013.

“Kay kahibawo ko karon, everybody loves a victor. Daghan na sad kaayo ang moingon nga daog gyud ta. Pero karon na lang? So, lahi na seguro ko karon,” pahayag ni Garcia, kinsa niingon nga ikonsiderar niya ang mga tawo nga matinud-anon niya sa panahon nga naa siya sa kalisod.

Sa records sa Human Resource Management Office sa Kapitolyo, nasayran nga adunay 4,021 ka mga empleyado, 1,118 niini kay mga regular, 636 kay mga casual, 1,905 kay mga job order ug 362 kay mga contract of service.

Matod ni Lilia Villasin, officer-in-charge sa HRMO, kadaghanan sa mga JO nga empleyado kay nurses ug utility workers, kansang mga kontrata kay i-renew matag unom ka buwan uban sa mga casual.

Samtang kadaghanan sa mga kawani nga ubos sa contract of services kay mga doktor ug pharmacists sa mga provincial ug district hospitals nga matag usa ka tuig ang pag-renew sa kontrata.

Sumala ni Villasin nga bisan ang mga casual nga kawani kay nagtrabaho sa Kapitolyo sud na sa pipila ka tuig, apan ang uban niini wa pa gihapon ma-regular tungod kay kuwang og eligibility gikan sa Civil Service Commission (CSC).

Siya nidugang nga matag Abril ug Nobiyembre ang ilang pag-evaluate sa performance sa mga empleyado sa matag tuig. (SCG)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph