SUPERBALITA CEBU

Misis sa pulis ‘karnaper’

ASAWA sa usa ka pulis nga giingong ni-carnap sa usa ka sakyanan nadakpan sa kapulisan sa lungsod sa Daanbantayan niadtong Biyernes sa udto, Mayo 17 sa Brgy. Malingin sa mao nga lungsod.

Iya diay nga modus mao ang pagpangabang sa mga sakyanan sa rent-a-car shops, iyang ibaligya og barato kaayo pinaagi sa Facebook.

Ang mga transaction ipaagi na sa online.

Labing uwahi niyang biktimang kliyente usa ka pulis sa lungsod sa San Remigio.

Ang suspek giila ni Police Captain William Homoc, hepe sa kapulisan sa Daanbantayan, nga si Chanelyn Ansigua, kapin sa 30 anyos, taga Brgy. Pajo, Daanbantayan.

Ang iyang bana, kinsang ngan gipugngan ning mantalaan, nadestino kaniadto sa lungsod sa Consolacion sa wa pa mag-absent without official leave (AWOL).

Si Homoc nga nahinabi sa r Superbalita Cebu nagkanayon nga nangayo nilag abag si Joan Alingalan, representante sa Cebu Easy Rent-Car human na-track sa ilang device nga ang ilang sakyanan nga Toyota Vios (AVN-6505) color silver naa karsada sa Daanbantayan.

Ang mao nga sakyanan giabangan ni Ansigua gikan sa Abril 26-30, apan wa na giuli.

Dali nilang gisuhid ang dapit nga gitumbok ni Alingalan ug ilang nadakpan si Ansigua, nabawi ang awto.

Ang awto padulong na unta i-deliver ni Ansigua ngadto sa usa ka pulis nga taga lungsud sa San Remigio nga iya usab nga biktima.

Ang pulis, kinsang ngan gipugngan ning mantalaan samtang wa pa makuhai sa iyang habig, giingong nakabayad na og P50,000 kang Ansigua.

Ang awto gibaligya lang sa suspek og P80,000.

Si Homoc niingon nga na-track ang awto sa Global Positioning System (GPS).

Si Homoc niingon nga ilang himuong saksi saksi ang pulis.

Laing duha pa ka mga reklamante ang nanawag nga nabiktima usab sila ni Ansigua.

Kasong carnapping ang ilang ipasaka batok kang Ansigua. Hayan madugangan pa kini og estafa kon moreklamo ang pulis.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph