ANG kanhi Ginebra stars ug ex-PBA MVP awardees nga sila si si Willie Miller ug Jayjay Helterbrand ang gipanglantawan karon nga maoy mopalig-on sa Mandaluyong team sa umaabot nga conference sa Maharlika Pilipinas Basketball League (MPBL).
Si Banjo Calpito, kinsa mao karon ang tag-iya sa Mandaluyong squad nga kanhi iya ni Christian Singson, mitug-an sa FoXports.ph nga tinguha nila karon ang serbisyo sa duha sa pagtuo nga kini makahatag og impact sa team nga makakombati og sakto sa masaarong lega sa nasod.
Kon kahinumdoman, si Calpito nakaduwa usab sa Ginebra, usa ka dekada ang nakalabay, ug nakakauban ni Helterbrand, ang MVP sa 2008 PBA season.
Si Miller nakaduwa usab sa Kings.
“Target talaga namin yung mga dati naming kasama sa Ginebra gaya nina Jayjay and Willie Miller,” ingon ni Calpito kinsa mipahibawo nga ang laing kanhi Ginebra player nga si Rodney Santos malakip unya pud sa coaching staff.
Nagkauban usab sila si Calpito ug Santos sa San Sebastian Stags sa College ubos ni multi-titled coach Toring Valenzona. (JBM)