Associate head coach sa Rockets gitangtang

ANG Houston Rockets nakahukom nga dili na bag-ohan sa iyang kontrata ang ilang associate head coach nga si Jeff Bzdelik.

Kini human nga napakyas na usab ang team sa ilang tinguha nga makasulod sa finals, usa ka semana ang nakalabay.

Ang defensive coach nga 66-anyos gikuha sa Rockets usa ka buwan gikan sa pagsugod sa season aron maoy motabang ni headcoach Mike D’Antoni sa pagpalambo sa team.

Taliwala sa bati nga pagsugod, nitapos sila sa ikaupat nga luna human sa regular season sa Western Conference, apan napakyas gihapon sila sa ilang tinguha sa dihang gipalagpot sila sa Golden State Warriors. (JBM)