NATUMAN ang pangandoy ni World Boxing Association (WBA) bantamweight ‘super’ champion Nonito Donaire nga ikaharong ang wala’y pildeng Hapon nga boksidor nga si Naoya Inoue sa finals sa World Boxing Super Series Bantamweight Tournament nga gipahigayon didto sa SSE Hydro in Glasgow, Scotland.
Nahimo kining posible human gipaundang ni Inoue si Emmanuel Rodriguez sa katapusang 1:19 segundos sa ikaduhang rounds sa ilang semi-final nga engkuwentro.
Ning maong kadaugan, nadugang ni Inoue ang International Boxng Federation (IBF) bantamweight title sa iyang WBA belt.
“I came out looking to perform impressively,” matod ni Inoue. “He came out in the first round and gave me a lot of pressure. I felt very comfortable here in Glasgow.”
“He won the first round and I didn’t know how it was going to turn out after that. “I felt very much at home; everyone here made me feel at home. Donaire has had a great career and is a great fighter. I respect him and I look forward to fighting him.”
Si Donaire, kinsa gitawag og ‘The Filipino Flash,’ nipadayag nang daan nga gusto niyang ikaharong si Inoue sa finals.
Unang nakasulod sa finals si Donaire human niya gilupig sa semi-finals si Stephon Young niadtong Abril.
“He was incredible, he did what he had to do,” padayag ni Donaire kinsa diha gyud sa ringside nga misaksi sa maong away.
“This is what we’ve been waiting for. We’ve always felt we were going to meet each other, it’s destiny. This is what boxing is about, the best fighting the best. He’s the monster and that’s something to figure out.”
Si Inoue naggunit og 18-0, 16KOs nga rekord ug kasamtangan kining usa ka boxing superstar sa Japan.
Sa iyang bahin, si Donaire naggunot og 40-5, 26KOs nga baraha. (ESL)