GIPASALIG sa Toronto Raptors nga buhaton nila ang tanan aron maprotektahan ang ilang balwarte sa ilang pag-host sa Milkwaukee Bucks sa Game 3 sa Eastern Conference finals series sa National Basketball Association (NBA) sugod karong alas 7:00 sa buntag (RP time).
Ang Raptors, nasugamak sa kapildihan sa nag-unang duha ka mga duwa sa series nga gipahigayon sa Bucks, adunay 5-2 nga rekord sa playoffs sa mga duwa nga gipahigayon sa ilang korte ug 32-9 sa regular season.
“Now we’ve got a chance to go home and protect home court and do what we’re supposed to do,” matod sa usa sa mga sinaligan sa Raptors nga si Kyle Lowry.
Nasayod ang Bucks nga mas lisod kini nga tahas alang kanila ug mao kini ang ilang gipangandaman.
“Game 3 is going to be way tougher than Game 1 and Game 2,” matod sa labing sinaligan sa Bucks nga si Giannis Antetokounmpo. “We’re playing at their home now, but I think we’re going to be prepared. We’re going to make sure we go, watch some clips, try to get better. But at the end of the day, it’s all about us.”
Sa Game 1, ang Bucks nakaagi og pagpanghudlat una nila nabuntog ang Raptors, 108-100.
Apan sa Game 2, lahi ang dagan sa estorya gumikan kay ningdominar ang Bucks gikan sa sinugdanan hangtod sa katapusan alang sa 125-103 nga kadaugan.
Ang sinaligang panagpares sa Raptors nga sila si Kawhi Leonard ug Lowry nagkinahanglan og dakong suporta gikan sa ilang mga kauban aron makaparang sa grupo nila ni Antetokounmpo ug Khris Middleton.
“We’ve got to be better, man,” asoy ni Raptors coach Nick Nurse. “We’ve got to be more physical, we’ve got to hustle more and we’ve got to work harder.” (AP, ESL)