WALAY nahimong mga pelikula si Kong. Raul del Mar, apan ang mga sikat nga artista nga ningsuway og sungag niya atol sa eleksiyon nangalukapa.
Sa mga botante sa norte distrito sa Dakbayan sa Sugbo, ang ilang kasamtangang kongresman mao gihapoy bida sa ilang mga kasingkasing.
Sa milabayng midterm elections niadtong Mayo 13, si del Mar midaog sa lumba alang as pagka representate sa norte distrito. Gipukan niya ang sikat nga aktor nga si Richard Yap.
Nakakuha si del Mar og 135,528 ka mga boto samtang si Yap nakaani og 81,575.
Dako og pasalamat si del Mar sa mga botante nga padayong ningsalig niya.
“Victory after a long and tough campaign is a source of pride and humbling all at once. The huge majority vote must affirm that most of my constituents believe I have been doing something good in my work,” matod niya sa usa ka press statement.
Niadtong eleksiyon sa 2013, gikaatbang ni del Mar si Annabelle Rama—ang artista nga ig-agaw ni Michael Rama nga napili sab nga bise mayor niadtong Mayo 13.
Si del Mar ang nagmadaogon. Ning iyang labing bag-o nga kadaugan, mag-alagad si del Mar sa iyang ikatulo ug katapusang termino sugod karong Hunyo 30. “The fresh and clear mandate is heartwarming. I am truly most grateful,” matod niya.
Si Del Mar, usa ka abogado, napili sa tulo ka sunod-sunod nga termino sa House of Representatives sugod niadtong 1987 hangtud 1998.
Ang mga botante sa norte district nanagboto kaniya sa laing tulo ka sunod-sunod nga termino sa 2001, 2004 ug 2007; ussssssssg sa 2013 ug 2016. (KAL sa SunStar Cebu)