Pagdepensa sa titulo, mas presyur ug kulba

DAVAO. Si Jester Dave Mansalayao sa Davao City, 2018 most valuable player (MVP) sa men's baseball competition, manguna sa pagdepensa sa titulo sa rehiyon sa National Prisaa Games 2019. (Mark A. Perandos)
DAVAO. Si Jester Dave Mansalayao sa Davao City, 2018 most valuable player (MVP) sa men's baseball competition, manguna sa pagdepensa sa titulo sa rehiyon sa National Prisaa Games 2019. (Mark A. Perandos)

ANG pagduwa sa homecourt nakahatag og dugang presyur sa Davao region baseball team nga depensahan ang ilang titulo sa National Private Schools Athletic Association (Prisaa) Games 2019 karong Mayo 19 handtud 24.

Si University of Mindanao (UM) coach Vincent Ryan Sarabia, nga giilang best coach sa men's baseball competition sa 2018 edition sa duwa nga gihimo sa Tagbilaran City, Bohol, di buot mohatag kasiguruhan nga subli nilang makuha ang titulo.

Si Sarabia, nga maoy migiya sa champion team sa rehiyon sa nakalabay nga tuig, "Sa karon dili ko sigurado pa sa among pagdepensa sa among titulo ky daghang nawala sa akong mga players atong niaging tuig."

Samtang ang ubang migradwar na, duna say miundang sa pagtungha.

Dugang niya nga ang K-12 ang limitado sab sa pag-scout og mga magduduwa.

Apan alang niya, karon ang importante nga madepensahan ang ilang titulo.

"Naa sa among sariling field, kumbaga nasanay nami sa among field ug sige nami'g praktis mao familiar nami sa grounds," tipik niya sa Facebook interview tali SunStar Davao.

Dugang pa niya nga karon nga edisyon mihatag og dugang presyur kanila ilabi na nga ang ilang pamilya ug higala makalantaw sa ilang duwa.

Si Sarabia malaumon ug nag-ampo nga anaa sa maayong panglawas ang iyang magduduwa atol sa torneyo.

Ang National Prisaa Games 2019 gipaluyuhan sa Philippine Sports Commission (PSC), Department of Education (Deped), Commission on Higher Education (Ched) ug city government of Davao.

Ang Sunstar Davao maoy official media partner ug ang coverage niini nahimong posible inubanan sa major sponsors, Matina Enclaves, Santos Land Development, 8890 Holdings, Inc., Anflocor, Sky Cable ug Pagcor.

Ang minor sponsors Aeon Luxe Properties, Davao Doctors College, GH Office Depot, Grand Land, Inc., Alu Hotel, Davao Medical School Foundation, NCCC ug Office of the Special Assistant to the President (Osap).

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph