SUPERBALITA DAVAO

Editorial: Brigada Eskwela

KARONG adlawa, Mayo 20, ang tinuig nga Brigada Eskwela, usa ka mabulukong programa sa Department of Education (DepEd) nga hapit na magduha ka dekada.

Uban sa tumong nga maandam ang pagsugod sa klase sa mga estudyante, nahimong kabahin na sab ang maong programa sa mga nagkadaiyang sektor kun diin ngari makita ang tinuod nga espirito sa bayanihan.

Gikan Mayo 20 ngadto na sa 25, ang paglungtad sa programa uban sa tema nga “Matatag na Bayan para sa Maunlad na Paaralan,” magtinabangay ang mga ginikanan, estudyante ug ubang sektor diha sa pagpanglimpyo sa mga tulunghaan.

Taliwala sa kaayo nga hatud sa maong programa, diha sa pagsugod niini ug sa misunod nga mga katuigan naduhig kini sa isyu, gumikan migula ang mga reklamo sa mga ginikanan nga dunay natigayong kurapsyon.

Nasuta nga dunay mga donasyon nga salapi ang wala mapalit sa mga himan sa pagpanglimpyo, inay alegasyong nabutang kini sa bulsa sa pipila nga maoy nanguna sa programa diha sa matag tulunghaan.

Depensa sa mga school administrators nga kung nahitabo ang niadto, karon di na sanglit nahibal-an na ug napatubag ang pipila nga mihimo sa di maayo.

Gihangyo sa kadagkoan sa DepEd nga kung dunay mga donasyon, mamahimo nalang kini nga i-deretso og palit sa mga himan nga gamiton sa pagpanglimpyo; dili nalang salapi ang i-donar aron dili gayod mahitabo ang kurapsyon.

Kay nabuking naman, butang nga di na kini mahitabo, unta lamang.

Luyo niini, manggawas kita sa atong mga panimalay kung bakante kaayo, aron motabang kita sa pagpanghinlo sa mga tunghaan ingon ug alang sa pagpangandam sa pag-abli sa klase sa atong mga anak.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph