DAVAO DEL SUR -- Giproklamar na sa Board of Canvassers ang mga midaog nga mga kandidato sa dakbayan ug sa probinsya sa Davao del Sur, Biyernes, Mayo 17.
Sa Siyudad sa Digos, giproklamang mayor si Josef Cagas human nakakuha og boto nga 47,364.
Bise-mayor sab ang running mate niini nga si Konsehal Johari Baña nga aduna'y boto nga 32,737.
Ang napulo ka mga konsehal sa Sangguniang Panglungsod mao sila si Gary Cagas; Reynaldo Aballe; Melot Garcia; Rey Ayo; King Latasa; Ian Llanos; Frank Tongcos; Salvador Dumugho; Marc Fernandez; ug Concepcion Cadungog.
Unom lang kanila ang mga sakop sa partidong Hugpong ng Pagbabago (HNP) ug mao sila Garcia; Ayo; Latasa; Llanos; Tongcos; ug Cadungog.
Naproklamar na sab ang mga bag-ong opisyal sa probinsya, human subling napili si Governor Douglas Cagas sa ikaduhang termino.
Bise-gobernador ang anak niining si Congressman Mercedez ug Marc Douglas IV.
Ang mga napiling bokal sa unang distrito nga mao sila John Tracy Cagas; mga re-electionist nga sakop sa HNP nga sila Erwin Llanos; Lanie Gabutero; Simplicio Latasa; ug Victoriano Cadungog.
Sa Ikaduhang distrito, subling napili sila Merlin Bello; Lanier Cadungog, (HNP); Anna Margarita Razonable ug ang mga bag-ong napili nga sila Carmelo delos Cientos ug Arvin Malaza.