GIPANIGURO ni Congressman-elect Rufus Rodriguez nga dili problema ang panaglahi og kolor sa politika ug andam kini nga motabang alang sa kalamboan sa siyudad sa Cagayan de Oro.
Nasayran nga usa sa tulo ka mga nidaug gikan sa oposisyon si Rodriguez human gipildi niini si Konsehal Yan Lam Alam Lim, kinsa kasamtangang ABC president.
Gibutyag ni Rodriguez nga walay problema alang kaniya ang panaglahi og partido nila ni Mayor Oscar Moreno kinsa kasamtangang Mayor ug bag-o lang usab nidaug alang sa ulahi niini nga termino, tungod andam kini nga motabang aron nga makaserbisyo sa katawhan ug mahatod ang mga proyekto ilabi na sa ikaduhang distrito sa siyudad.
“Dili na problema, we belong to different party, the role of the congressman is to help the city and that is what I was doing, now we have the mayor, and of different party or color but it is our duty to coordinate together, and our duty as a congressman is to bring out the budget of the second district to help develop the city,” matud ni Rodriguez.
Gipasalig niini nga mas daghan pa nga mga proyekto ug budget ang mahatod sa katawhan alang sa kalamboan sa ikaduhang distrito human kini gibutang pagbalik sa pwesto.