SUPERBALITA CAGAYAN DE ORO

Title

ANDAM nga mosuporta ang bag-o lang nga naproklamar isip bise gobernador sa lalawigan sa Misamis Oriental bisan pa man nga anaa kini sa oposisyon, tungod dili ang partido niini ang giserbisyohan kundili ang katawhan sa lalawigan.

Gi-proklamar na niadtong Huwebes sa gabii, Mayo 16, sa session hall sa probinsiya sa Kapitolyo ang mga nidaug sa Misamis Oriental sa bag-o lang natapos nga eleksyon, samtang wala usab ang presensiya ni Gobernador Yevgeny Vincente Emano atol sa maong proklamasiyon.

Sa pakighinabi kang Jigjag Pelaez sa United National Alliance (UNA) nga bisan anaa kini sa oposisyon andam kini nga mosuporta sa mga programa alang sa katawhan sa lalawigan tungod na usab kay dili man ang partido ang giserbisyohan.

“Let us set aside political color especially once elected we are not serving sa atong political parties but the whole people of the province of Misamis Oriental,” matud ni Pelaez.

Gipaniguro niini nga dili kini mamahimong babag sa mga programa sa gobernador ilabi na kung makaayo kini sa katawhan.

“Kung unsay mga maayong programa sa atong gobernador kanunay kitang mosuporta ug dili kita mahimong babag sa kalamboan sa atong lalawigan sa Misamis Oriental,” dugang ni Pelaez.

Nasayran nga napildi ni Pelaez sa boto nga 213,115 si Prexy Elipe nga kaalyado ni Emano human nakakuha lamang og anaa sa 184,352.

Samtang walo ka mga mayor ubos sa partido sa Padayon Pilipino ug unom sa kaalyado nga partido ilabi na ang Partido Demokratiko Pilipino-Lakas ng Bayan (PDP-Laban) ang mga nidaug sa Hugpong ng Pagbabago koalisyon ug 10 sa oposisyon o sa National Unity Party (NUP).

Giproklamar na usab ang tanang mga nidaug sa probinsya sa Misamis Oriental ilabi na sila si Emano nga nidaugnidaug sa ikatulo ug ulahi niini nga termino batok na usab ni Julio Uy apan wala ang presensiya niini.

Sa pagkacongressman sa unang distrito nidaug si Christian Unabia (Lakas) batok kang Joey Pelaez sa (NUP) samtang sa ikaduhang distrito nidaug usab si Juliet Uy batok ni Benjo Benaldo (Padayon) ug kaalyado ni Emano.

Giingong ipadayon usab ni Unabia ang una na nga mga nahimo sa iyang amahan ilabi na sa paghatag og dakong pagtagad sa sektor sa agrikultura.

“I’m going to push on agriculture sector specially farmers and fisherfolks, economic emancipation. I’m going to continue my father’s work,” matud ni Unabia.

Samtang ang mga Provincial Board member sa unang distrito mao sila si Win Militante (Padayon), Jerry Khu (UNA), Erik Khu (PDP-Laban), Enteng Pelaez (PDP Laban)ug Bebing Dumadag (PDP-Laban).

Sa ikaduhang distrito mao sila si Saysay Emano (Padayon), Boboy Sabal, Nancy Madjos (Padayon), Jessa Mugot (NUP), Boboy Sabal (Padayon) ug Dexter Yasay (Padayon).


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph