8 ka pulis nga giparelibohan gipabalik na

Cebu City Police Office Police Colonel Royina Garma (SunStar file)
Cebu City Police Office Police Colonel Royina Garma (SunStar file)

GIPABALIK na sa hepe sa Cebu City Police Office (CCPO) ang walo ka pulis sa Talamban Police Station nga giparelibohan sa katungdanan human gipasanginlan nga maoy nakita sa closed-circuit television (CCTV) camera nga mikulata kang Eddie Basillote sulod sa ilang balay sa Ponce 2 compound, Barangay Carreta, dakbayan sa Sugbo.

Kini ang mando ni CCPO Police Colonel Royina Garma.

Ang maong pagpangulata nakuhaan kini sa CCTV camera nga nakaingon sa labihang pagsaway ni Cebu City Mayor Tomas Osmeña sa gihimo sa mga pulis.

Matod ni Garma nga sigun sa ilang imbestigasyon dili ma establisar kung sila ba gyud ang naa sa video tungod dili man maklaro ang mga panagway niini bisan sa gihatag nga pangalan ni Osmeña sa iyang Facebook page.

“Patapos na yung investigation namin sa walo na allegedly na sila daw yun and I was not able to prove na sila nga yun ang nanduon so ibabalik ko ulit and there’s nothing wrong with that,” matod ni Garma.

Tungod sa maong hitabo giangkon ni Garma nga iyang gidid-an lang una ang onse ka police station nga mohimog anti-drug operation gawas sa ilang huresdiksyon, apan karon gipabalik na niya kini nga mahimo na sila nga molabang sa dili nila area of responsibility aron mas epektibo ang ilang kampanya batok sa illegal nga drugas.

Sa nakuha nga impormasyon ni Garma nga midaghan ang supply sa illegal nga drugas sa dihang iyang gidid-an ang mga pulis nga molabang sa dili nila area.

Ang usa sa mga dinakpan mitug-an sa imbestigasyon sa kapulisan nga nalipay sila nga kanunay nga sawayon ang mga pulis tungod kay luwas sila nga maka baligyag dinaghan sa bisan asang lugar sa siyudad sa Sugbo.

“So nakit-an na ninyu na they are taking advantage nga the more nga tira-tirahon ang pulis nalipay diay sila kay the more nga modaghan sila ug nagiging intense din ang kanilang pagbaligya ug operation,” dugang ni Garma.

Gihagit usab karon ni Garma ang mga kapitan nga ilang hingusgan ang mga ordinansa sa barangay ilabi na sa mga bag-ong salta sa ilang dapit nga nag abang sa mga boarding house.

Nakuwangan si Garma sa gihatag nga impormasyon sa mga barangay officials sa mga drug personalities sa ilang lugar dungan sa awhag nga susihon kinsa kining mga tawo nga nangabang pag puyo sa barangay. (AYB/Superbalita Cebu)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph